Լուրեր
Համագործակցության համաձայնագիր Լոռու մարզպետարանի եվ «Հայ-Չինական հարաբերությունների տարածաշրջանային զարգացման հիմնադրամի» միջև
Սեպտեմբերի 25-ին Լոռու մարզպետ Անդրեյ Ղուկասյանն ընդունեց «Հայ-չինական հարաբերությունների տարածաշրջանային զարգացման հիմնադրամի» պատվիրակությանը, որոնց թվում էին հիմնադրամի ներկայացուցիչները և չին գործարարներ: Հանդիպմանը մասնակցում էին նաև Լոռու մարզպետի տեղակալ Գայանե Մարկոսյանը և մարզպետարանի պատասխանատու պաշտոնյաներ:
Տավուշի մարզպետ Հայկ Չոբանյանը և «Հայ-չինական հարաբերությունների տարածաշրջանային զարգացման» հիմնադրամի նախագահ Սերգեյ Ավանեսովը կնքեցին համաձայնագիր
Այս համաձայնագրով կողմերը համագործակցելու են մարզի՝ որպես օտարերկրյա զբոսաշրջիկների համար զբոսաշրջային ուղղության, գրավչության բարձրացման ոլորտում, ինչպես նաև նպաստավոր պայմաններ են ստեղծելու նոր պոտենցիալ ներդրողների ներգրավվման համար:
Համագործակցության հուշագիր Շիրակի մարզպետարանի և «Չին-Հայկական հարաբերությունների տարածաշրջանային զարգացման հիմնադրամի» միջև
Շիրակի մարզպետ Տիգրան Պետրոսյանն ու «Չին-Հայկական հարաբերությունների տարածաշրջանային զարգացման հիմնադրամի» նախագահ Ս. Ավանեսովը ստորագրել են համագործակցության մասին հուշագիր, որով նախատեսվում է կողմերի համագործակցությունը տարածաշրջանի` օտարերկրյա զբոսաշրջիկների համար գրավչության զարգացման բնագավառում, ինչպես նաև նոր հնարավոր ներդրողների ներգրավման համար հարմարավետ միջավայրի ստեղծման առումով: