Հիմնադրամի նախագահի հանդիպումը «Արմենպրես»-ի տնօրենի հետ․ մեդիա համագործակցության և հայ-չինական նախագծերի առաջմղման ուղղությամբ

2026 թվականի օգոստոսի 19-ին «Արմենպրես» պետական լրատվական գործակալության գրասենյակում տեղի ունեցավ Չինաստան-Հայաստան հարաբերությունների տարածաշրջանային զարգացման հիմնադրամի նախագահ, դոկտոր Սերգեյ Ավանեսովի աշխատանքային հանդիպումը գործակալության տնօրեն Նարինե Նազարյանի հետ։

https://armenpress.am/hy/article/1258381

Կողմերը քննարկեցին տեղեկատվական և մեդիա ոլորտներում համագործակցության հեռանկարները։ Առանձնահատուկ ուշադրություն դարձվեց «Վարդան Մամիկոնյան» մեդիահարթակին՝ որպես հայ-չինական հարաբերությունների ամրապնդմանն ուղղված մշակութային և տնտեսական ծրագրերի համակարգված առաջմղման գործիքի, ինչպես նաև հայկական ապրանքների՝ չինական շուկա մուտքի տեղեկատվական ուղեկցման միջոցի։

Հանդիպման ընթացքում քննարկվեցին չինական տեղեկատվական դաշտում «Արմենպրես»-ի գործող կապուղիները։ Գործակալությունն ուղիղ գործընկերային հարաբերություններ է պահպանում չինական առաջատար մեդիա կառույցների հետ, որոնց թվում են՝

• «Սինհուա» լրատվական գործակալությունը (Xinhua News Agency)՝ գլխավոր և առաջնահերթ գործընկերը (համագործակցության համաձայնագրեր՝ 2009 և 2025 թվականներին),
• China Daily,
• CCTV / Չինաստանի կենտրոնական հեռուստատեսությունը և CCTV+ հարթակը,
• Belt and Road News Network (BRNN)՝ «Մեկ գոտի, մեկ ճանապարհ» լրատվական ցանցը, որի անդամ է «Արմենպրես»-ը։

Այս ուղիղ կապերի առկայությունը արդյունավետ հնարավորություն է ստեղծում Հիմնադրամի նախագծերի և հայ-չինական նախաձեռնությունների մասին տեղեկատվությունը չինական լայն լսարանին հասցնելու համար։

Կողմերը պայմանավորվեցին զարգացնել համագործակցությունը։ Մոտ ժամանակներս նախատեսվում է կազմակերպել մամուլի ասուլիս՝ Հիմնադրամի նախագահ, դոկտոր Սերգեյ Ավանեսովի մասնակցությամբ։

Հանդիպումը վերահաստատեց կողմերի փոխադարձ հետաքրքրվածությունը հայ-չինական գործընկերության տեղեկատվական լուսաբանման ամրապնդման և համատեղ նախաձեռնությունների առաջմղման կայուն մեխանիզմների ձևավորման հարցում։